الايابو فهد ياعزوتي في ساعة الميقاف
يامحزم من يدور محزمه في ساعة الــشده
تعليت المراجل لين وصلت قمة الإسراف
عريب الساس من خاله ومن عمه ومن جده
تعليت المراجل لين وصلت قمة الإسراف
عريب الساس من خاله ومن عمه ومن جده
لعين الطبع لو ناديت بسمه مالقيت أنصاف
عليه بالحرام ايمد والمده هي المده
ولو شلته من البيدا وحطيته علي الأكتاف
مثل ماهو ردي لو طالت الايام والمده
تعلمنا من البرد اوهجيره رجفت الأطراف
وخذنا من سموم القيض كيف الهجر والصده
وخذنا من كتاب الحكم حكم الترك والإشراف
ومن عبدالعزيز اقلاع منصوبه ومنهده
وخذنا منه كيف العزم يجبر كسرة المجداف
ولو ضاق البحر ولا شره جزره علي مده
يكثر اللي يسما في الزمن ياكامل الأوصاف
لكن الصح ماله في علوم المرجله سده
يميل الوقت ويعود ويكشفلك كثير أصناف
وتلقا في الزمان أوجيه مبيضه ومسوده
لعل اللي يبور بصاحبه يسريبه الرجاف
ويخسر ماجمع من ورث ولا من تعب كده
ولعل أوجيه ماتركع ولاتسجد ولا تطاف
عليها الله اكبر مثل حرب احنين والرده
قصيده كلها حكم من شاعر احساس شاعر مبدع اتمني لك التوفيق يا بو ريان
ردحذف