|
ياخساره كان حبي لك غـدا مثـل الكديـش
لايجمّـل بالسبـاق ولايجـمـل بالـحـدي
|
انكتـب حبـك عليّـه بـس عيـا لايعيـش
علمًا اني ماشي ٍ بالطيـب مـا مشـي ردي
|
كل ماحاولت اشبّـك حبنـا تشبيـك فيـش
انفسل سلك المحبـه قبـل لاتاصـل يـدي
|
هوخطاي اني عشقتك وانت لك قلب ٍ غشيش
ليـن ماقدمتنـي بالحـب تقديـم الـفـدي
|
ماسكنـا قصـر ودك لـو سكنـا بالعريـش
لو ودك في ضميـري قـام يندينـي نـدي
|
عادتي لاقفيت اشابه قلب مفصوخ ٍ خريـش
لايعايـن بالعـروق ولايعـايـن بالـجـدي
|
وعادتي لاقبلت اشابه نار شبت بالحشيـش
تاصل العود اليباس وتاصـل العـود النـدي
|
درس ذقته في هواك ودرس لازم مايطيـش
لازم اني مـا اوسطهـا البسـاط الاحمـدي
|
باتجنب شوف زولك دام لك عظم ٍ هشيـش
وباتجنب شوف رمشك دام لك رمش اسودي
|
ادري انك بالحلا والزين لك دولـه وجيـش
وتدري ان الود في قلبي .. ولاهو في يـدي
|
الهوى ماله دوى والقلب فعلـه فعـل ديـش
والبشر ترجوا من الله ثم من كـف اجـودي
|
بس تكفى لاتناديني واردد .. ويـش ويـش
وان عذلني خافقي بصيح يانفـس اهجـدي
|
|
|
الي لامام ابو ريان
ردحذفمبدع ماشاء الله عليك ونرغب بالمزيد
ردحذفصح لسانك
حذفبببببببببببببببببداع ماشاءالله كلمات رائعه وماتخطر على البال
ردحذفصراحه انت اللي تستهاهل انك تمثل السعوديه
بس تكفى لاتناديني واردد ويش ويش
ردحذفوان عذلني خافقي بصيح يا نفس اهجدي
ماشاءالله وصف جميل جدا وننتضر جديدك على احر من الجمر